Achyutashtakam lyrics in telugu - అచ్యుతాష్టకం

 అచ్యుతం కేశవం రామ నారాయణం,

కృష్ణ దామోదరం వాసు దేవం హరిం;

శ్రీధరం మాధవం గోపికా వల్లభం,

జానకీ నాయకం రామ చంద్రం భజే. 

అచ్యుతం కేశవం సత్యభామాధవం,

మాధవం శ్రీధరం రాధికారాధితమ్;

ఇందిరా మందిరం చేతసా సుందరం,

దేవకీ నందనం నందజం సందధే. 

విష్ణవే జిష్ణవే శంఖినే చక్రిణే,

రుక్మిణీ రాగిణే జానకీ జానయే;

వల్లవీ వల్లభా యార్చితా యాత్మనే,

కంసవిధ్వంసినే వంశినే తే నమః. 

కృష్ణ! గోవింద! హేరామ! నారాయణ!

శ్రీపతే! వాసుదేవాజిత! శ్రీనిధే!

అచ్యుతానంత! హే మాధవాధోక్షజ!

ద్వారకానాయక! ద్రౌపదీరక్షక! 

రాక్షసక్షోభితః సీతయా శోభితో,

దండకారణ్యభూపుణ్యతాకారణః;

లక్ష్మణే నాన్వితో వానరైః సేవితో,

అగస్త్య సంపూజితో రాఘవః పాతుమామ్. 

దేనుకారిష్ట కానిష్టకృద్ ద్వేషిహా,

కేశిహా కంసహృద్వంశికావాదకః;

పూతనాకోపకః సూరజాఖేలనో,

బాలగోపాలకః పాతుమాం సర్వదా. 

విద్యుదుద్ద్యోతవత్ప్ర స్ఫుర ద్వాససం,

ప్రావృడంభోదవత్ప్రోల్లసద్విగ్రహమ్,

వన్యయా మాలయా శోభితోరః స్థలం,

లోహితాంఘ్రి ద్వయం వారిజాక్షం భజే. 

కుంచితైః కుంతలైః భ్రాజమానాననం,

రత్నమౌళిం లసత్కుండలం గండయోః ;

హారకేయూకరం కంకణప్రోజ్జ్వలం,

కింకిణీమంజులం శ్యామలం తం భజే. 

ఇతి శ్రీ మచ్చంకరాచార్యకృతమచ్యుతాష్టకం సంపూర్ణమ్.